قصة بنت العم كاملة
البنات الماسخ ده و
ده مش دلع بنات حضرتك دنيا عندها فوبيا من الكلاب عشان في كلب عضها وهي صغيره
قالتها جميله بغيظ وهي واقفه علي باب المطبخ وبتبص لآسر اللي متعصب ويكاد يهدم المكان باللي فيه
بصلها بسخريه من فوق لتحت
حتي لو متصرخش بالشكل ده وكأنه عفريت
اتجاهلت كلامه وقربت من دنيا واخدتها في حضنها وهي بتبوس رأسها بهدوء
دنيا وهي بتبصلهم بأحراج
ا انا اسفه
فارس بهدوء
حصل خير المهم انك كويسه
آسر بسخريه وهمس
ياحنين
بصله فارس بغيظ وبعدها بص لدنيا بجديه
حضري نفسك بكره أن شاء الله هتنزلي معايا الشغل
قال جملته وخرج من المكان وهو بياخد نفس عميق وجواه مشاعر غريبه ومختلفه!
يلا يابنات تصبحوا علي خير
وحضرتك من أهله ياطنط
تاني يوم
الساعه الثامنه صباحا
في اوضه دنيا
مكانتش لسه نامت
كانت قاعده فوق السرير وضامه ركبها الاتنين في بعض
بتفكر في شخص معين
فارس
واه من فارس اللي خطڤها من اول ثانيه
طول الوقت كانت بتدور علي الحب في كل مكان وكل وقت وحتي فى قلبها لكن للاسف مكانش ليه اي آثر جواها!
المشاعر اتبدلت
الحب فجأه دق علي بابها من غير اي مقدمات
النوم طار من عينيها
كان جواها طاقه رهيبه وفضول انها تتعرف علي كل ركن في البلد اللي هتعيش فيها الباقي من عمرها
طق في دماغها قرار مچنون شويه ومش مترتبله علي الاطلاق لكن قررت تنفذه
لو سمحتي هو فين شارع فؤاد
سألها شخص تايه في العنوان علي اساس انها علي درايه بالمكان
ابتسمت بلطف وردت برقتها المعتاده
اسفه بس معرفش والله
تمام متشكر
كانت ماشيه في الشارع بتبص يمين وشمال بأنبهار ومش واخده بالها انها بعدت عن البيت بمسافه كبيره جدا
مكانش في غير اتنين تلاته تقريبا
صباح الخير يافندم طلباتك
في مشروبات
ايوه حضرتك
تمام عايزه قهوه ساده
قهوه ساده علي الريق يافندم لا يجوز
رفعت حاجبها بضيق
افندم
ابتسم بأحراج
ا احم اسف علي التدخل بس القهوه الساده علي الريق بتسبب مشاكل كتير جدا ايه رأيك لو تفطري الاول
وخاصه انها كانت جعانه جدا
ابتسمت وهزت رأسها بحماس
تمام عندكم ايه
فول وفلافل وبتنجان مقلي وبيض وبسطرمه و....
قاطعته بتساؤل وحيره
ايه كل ده
ابتسم ابتسامه سمجه وهو بيشاورلها بصباعه
شكل حضرتك مش مصريه
هزت راسها بتأكييد وهي بتسند ايديها علي خدها
يبقي فطارك عندنا يافندم سبيلي نفسك
بعد شويه
خرجت من المكان وهو بيقولها بنفس الابتسامه السمجه
نورتينا يافندم
هزت راسها بابتسامه بسيطه وهي حاسه بۏجع في معدتها لكن حاولت متبينش ده
رجعت البيت واول ما خبطت الباب اتفتح وظهر فارس بلهفه وقلق
انتي كنتي فين
رجعت خطوه لورا بفزع وهي بتبص لفارس اللي كان واضح القلق علي ملامحه
بلعت ريقها بتوتر
ك كنت ك كنت بتمشي شويه
صړخ في وشها فجأه
ومقولتيش ليه انك نازله
استغربت تحوله المفاجئ وردت بتوتر
ع عشان ع عشان الكل كان نايم محبتش أزعج حد
والله وحضرتك يعني كده مأزعجتيش حد!
ردت بضيق
انا عملت ايه لكل ده
لما حضرتك تحبي تنزلي تاني مره ياريت تعرفي اكياس الجوافه اللي انتي عايشه معاهم هي مش وكاله من غير بواب هي
اتضايقت من أسلوبه وبصيتله بغيظ من غير ما تنطق حرف واتخطته عشان تدخل البيت بس هو مسكها من دراعها وهو بيهمس بنبره حاده
انا لسه مخلصتش كلامي
رفعت عيونها وملامحها مكشره وبغيظ طفولي
وهو لسه في كلام تاني!
بصلها ورد بقوه
اه في كنتي فين بالظبط
ردت بصوت مبحوح وهي بتغمض عينيها پألم بعد ما زاد ۏجع معدتها
ك كنت مخنوقه شويه نزلت اتمشي وفطرت
وليه مقولتيش انك نازله
ردت بضيق
قولتلك عشان انتوا كنتوا نايمين ومازال الكل نايم محدش صاحي غيرك اصلا!
رد بعصبيه وهو بيبص في عيونها
ايوه ولما صحيت لقيت باب اوضتك مفتوح وانتي مش جوا قلقت
اتوترت
قلبها دق بفرحه
العرق اتكون فوق جبينها
حست مشاعر لاول مره تحس بيها
اما عن فارس
مكانش فاهم هو بيعمل ايه ولا حتي فاهم مشاعره!
ازاي كان متوتر قلقان ملهوف بالشكل ده
مشاعر كتير متلغبطه جواه
بعد ما كان مقرر أنه عمره ما يسيب قلبه للحب مره تانيه
فجأه كل شئ اتغير في لمح البصر
فجأه قلبه اتحرر
فجأه قراره اتغير
هي حياتنا كده مفيش فيها قوانين أو حتي قرارت ثابته!
ناخد قرار وفجأه الحياه تفرض علينا اننا ناخد غيره
نتعلق بحد ونحب وجوده ونرسم معاه مستقبل وحياه كامله فجأه القدر يعلقنا بغيره !
مشاعرنا قلوبنا قرارتنا منطقنا
كلها اشياء بتتغير مع مرور الوقت
اخد نفس عميق وساب ايديها وهو بيقولها بجديه
ادخلي
دخلت وهي حاطه ايديها علي بطنها وتعبيرات وشها بتقول انها بتتألم
فجأه وقفت في مكانها وهي بتغمض عينيها جامد
ااااه
فارس بقلق
ايه مالك في ايه
ردت بۏجع وهي بټعيط
ااااه بطني بتوجعني اوي
دنيا مالك
قالتها جميله اللي خرجت من اوضتها وشافت اختها واقفه بټعيط
ااااه جميله الحقيني بطني بتوجعني مش قادره
خرج آسر من اوضته في الوقت ده
