قلب قاسم كاملة

 

الي متتصرفيش من مزاجك هو احنا راحين حرب اي دا ياربي 
سليم بضحك على تذمرها اللطيف..... هعمل كام حاجه كدا في المكتب لحد ما تغيري لبسك ويكون وااسع وطويل فاهمه قالها وصوته عالي نسبيا و بصرامه 
نور پخوف من صوته العالي.... حاضر
سليم فونه رن وقتها وخرج راح المكتب 
الو 
زيزي بدلع.... بيبي وحشتني
سليم بتأفف..... والله انتي يعني كنتي لسه عندي من شويه 
زيزي بأفوره وسهوكه..... بتوحشني كل ثانيه ده انتي حتى بتوحشني وانت معايا 
سليم ببرود..... بتتصلي لي في حاجه 
زيزي بخبث...... انت كنت قايلي الاسبوع الي فات اول ما اخويا يرجع من السفر اجيبه واجي نراجع البند الجديد بتاع الوفد الايطالي 

سليم بمكر ووعيد.... تمام مستنيكم على العشا وقفل السكه في وشها وهو بيستحلفلهم
على السفره كانوا متجمعين والده ووالدته وزيزي واخوها مهاب دخل عليهم سليم بهيبته وغروره 
سليم بخبث وهو بيبص على مهاب بغرور..... مساء الخير 
الكل... مساء النور 
سليم قعد يدور بعينه عليها ملقهاش وفرح اوي انها منزلتش عشان مهاب موجود وهو مش عايز اي اشتباك معاه لحد ما خطته تتم
مهاب بحب مزيف..... واحشني ياسليم باشا والله.. واول ما زيزي قالتلي انك طلبتني جيت علطول حتى اني لسا راجع من السفر يدوب جهزت نفسي وجتلك علطول 
سليم بغرور...... دا احسن ليك وبعدين ليك الشرف انك تقعد مع سليم الجبراوي ولا اي 
مهاب بغيظ..... طبعا
مساء الخير دخلت نور بفستانها البيبي بلو وبنص كم ونازل على جسمها بنسيابيه محدد منحنايتها وبيبرز قوامها المهلك وسابت شعرها الحريري الي معدي خصرها وكوتش ابيض ولم تضع اي مكياج اكتفت بالمسكرا والملمع فقط 
كله رفع وشه ومحدش رد مبحلقين 
ساره والده سليم بحب .... مساء الجمال ياروحي في اي ياجماعه مبتردوش على نونو ليه وغمزت لجوزها على ريأكشن ابنها.. 
سليم سارح في كتله الجمال والفتنه الي دخلت عليه 
ومهاب كان حرفيا بيلتهما بعينيه احم مين دي
سليم سارح فيها ومش بيرد برضو.. رد عليه اشرف بضيق وخوف عليها عشان بعتبرها بنتته...... لا دي نور تقدر تقول بنت اخويا الله يرحمه 
سليم بص ل اشرف قرب منه قال بصوت واطي... اي مش انت الي قايل محدش يعرف بالجوازه دي 
سليم بصله بضيق وسكت 
مهاب پصدمه وبص لاخته بسخريه وخاف لمخططاته تفشل ونور تاخد مكانها 
مهاب ليه عمري ما شوفتها هنا 
زيزي بخبث..... اصلها مابتخرجش من القريه الي عايشه فيها فلاحين وكد تخلف بقا نقول اي 
ساره پحده..... تقصدي اي بكلامك ده انا برضو من القريه دي وبكلامك ده انتي كانك بتشتميني
زيزي بسرعه..... مش القصد والله ﯾ انطي 
ساره ببرود وهي بتبص لنور بحب...... عمرها ما جت هنا عشان بصراحه الجد بېخاف عليها اوي وكانت علطول كل يوم واحد يضرب عشانها انتي شايفه هي جميله ازاي كله طمعان فيها عشان كدا خوفنا لتيجي هنا يحصل حاجه دا القريه صغيره وحصل كدا.. اومال هنا ايه الي هيحصل 
سليم فاق على جملتها وبص على نور وحس انه مضايق اوي ومستغرب منه هو مضايق اوي كدا ليه
زيزي بغل..... ههه مش لدرجادي يا انطي كله عمليات تجميل
ساره بنفي...... عمليات اي ﯾ حبيبتي كله طبيعي.. انتي بس من كتر العمليات التجميل الي عملتيها فكرتي كله كدا انما ياروحي نور كله طبيعي رباني 
اشرف وسليم مسكوا ضحكته بالعافيه... وزيزي على اخرها 
مهاب باعجاب..... شكلك صغيره ﯾ نور 
نور برقه وبصوتها الناعم..... لا حضرتك كبيره انا سنه السنة دي اولي اداره اعمال
مهاب بضحك على طريقة كلامها الطفوليه .... لا وانتي كدا كبيره بقا انتي صغيوره لسا 
نور بهدوء.... حضرتك مش بالسن ياما ناس كبيرة ومعملتش انجاز واحد وممكن لسه شاب صغير يعمل انجازات كبيرة يعني مثلا عندك ابيه سليم 
سليم بيبصلها نظرات غامضه وفرحان اوي بكلامها
_عندك ابيه سليم لسه شاب في التلاتينات وعامل انجازات كتير اوي في البلد يعتبر نمبر ون وهو لسه صغير.. يعني عمرها حضرتك ما كانت بالسن... 
سليم فرح اوي بكلامها عنه وقال في نفسه...... اي دا هو في كدا شكلك اتسرعت ﯾ سليم 
زيزي بغل وقهر من جمالها ولباقتها في الكلام ووجهت كلامها لسليم وحبت تغيظ نور..... بيبي ابقا خليها تشتغل في الشركه عشان كلامها ده 
نور بصتلها پصدمه والدموع اتكونت في عيونها.. سليم اتعصب ولسا هيرد قاطعها اشرف پحده وهو بيمسح على