الجزء الثالث والاخير بقلم عهد عامر
بحاول اعوضها عن الفتره اللى فاتت
عمر وماله
وبص لعائشة حبيبتى انا هروح اخد شاور واجبلك الفطار واجى ماشى
عائشة احم لا يا ابيه محمد قالى انه هييجى يفطر معايا انهارده ف استنى اما ييجى
عمر وماله يا ستى هسيبك بقى حبة
وخرج خبط على مازن اللى كان صاحى هو وسارة
مازن صباح الخير يا عمر
عمر صباح النور كويس انك صاحى خد سارة واقعد مع عائشة لانى سايب الساحرة الشريرة معاها
وفعلا عمر مشى على اوضته ومازن وسارة دخلوا.
سارة صباح الجمال على احلى عائش
عائشه بابتسامة صباح النور يا قمر
مازن حضنها عامله ايه يا حبيبتى
عائشة الحمد لله بخير.
سارة عامله ايه يا ندى
ندى الحمد لله
مازن بقينا فى زمن المعجزات والله من امتى يا ندى بتيجى لعائشة!
ندى فيه ايه يا جماعه مكنتش جية يعنى انا غلطانة يا عم
سارة اقعدى بقى متبقيش بايخه
وقعدت ندى بانتصار مخفى عشان كانت عايزة تشوف عائشة وهى بتاخد السم وبمنتهى الشهية
شوية ودخلت اعتماد بالاكل اللى شافتها عائشة وقلبها انقبض منها.
اعتماد ست عائشة انا جبتلك الفطار عشان معاد الدوا منصور بيه طلب منى اطلعهولك وهو ومدام سحر هييجوا كمان شوية
مازن ده ازاى ده انتى لازم تفطرى عشان الدوا بتاعك معاده خلاص قدامك ربع ساعة يا دوب تاكلى
عائشة ماشى بس
مازن مبسش فيه دوا يا عائشة عشان تخفى يا حبيبى امتحاناتك قدامها اسبوعين يلا عشان تكونى استرونج قمر كده.
عائشة اسمعنى طيب
سارة وهى بتقرب الاكل من بوقها ولو ولو لازم تاكلى يلا
محمد بخضة فيه ايه
مازن محمد تعالى ساعدنا نفتح بوق عائشة
محمد مالك تفتح ايه!
سارة ببلاهه بوقها عشان تاكل عشان الدوا
محمد وهى مش راضية تاكل
مازن لا بتقول مش عايزه.
ندى متبطلى شغل العيال بتاعك ده يا عائشة وتاكلى وتخلصينا
عائشة من كتر الضغط عليها فضلت ټعيط بصوت عالى كلهم اتخضوا وعمر دخل على صوت عياطها
وجرى خدها فى حضنه فضل يهديها
مازن احنا كنا بنحاول ناكلها وهى عيطت فجأة
عائشة بدموع محمد قالى انه جاى يفطر معايا يا ابيه ومكنتش راضية اكل لحد م ييجى وكمان حاولت افهمه محدش رضى يسمعنى
وفضلت ټعيط الموضوع بالنسبالهم ميستاهلش عيطاها بالشكل ده لكن عائشة كانت بټعيط ان بينها وبين المۏت لحظة واحدة ولو كانت كلت الله اعلم كان حصل ايه وكل ده بسبب بنت عمها.
محمد طيب اخرجولى بره كده وسيبونى معاها لو سمحتوا
كلهم بصوله ومحمد غمزلهم على ندى وفعلا كلهم خرجوا وسابو محمد مع عائشة اللى اتأكدت ان الباب اتقفل وبصت لمحمد
وشالت الاكل من ع السرير ومحمد قعد جنبها ومسك ايدها
محمد قوليلى بقى مالك
عائشة لو قولتلك هتصدقنى
محمد اكيد
عائشة طيب استنى
ومسكت كوباية اللبن ووقعتها ع الارض كسرتها
محمد پصدمة انتى عملتى ايه يا مچنونة!
عائشة اخرج بره اتأكد ان ندى خرجت وهات عمر ومازن وتعالو من غير م حد يلاحظ
محمد طيب فهمينى فيه ايه
عائشة اسمع منى بس ولو لقيتها ادخل المطبخ لاعتماد قولها هاتى كوبايه لبن وخليك واقف لحد م تصبه وتجيبه ونبقى نبعت مسدجات لعمر ومازن
محمد تمام خلينى وراكى لحد م اشوف اخرتها
وخرج محمد لقى ندى خرجت وسحر ومنصور كانوا قاعدين فى الصالون وعمر ومازن واقفين جنب السلم قلقانين على عائشة
محمد شاورلهم وطلعوله بسرعه من غير م حد يلاحظ وخدهم ودخلوا لعائشة.
حسن وبعدين يا عمى فضلت تقولى اصبر اصبر وبعدين!
سعيد بص يا سيدى احنا مراقبينها لينا فتره وعرفت انها مش بتخرج من البيت وقاعد مراقبها لحد دلوقتى ومنين م تيجى اللحظة هتلاقيها مشرفاك هنا وفى حضنك يا عم
حسن وماله ايه اخبار البضاعه
سعيد معادنا بعد بكرة هنتقابل ونسلمهم الشحنة وناخد الفلوس ونقب يا ولاا
ضحكوا هما الاتنين ونسيبهم فى مخططاتهم القڈرة دى.
دخلوا عند عائشة وكانت قاعدة ع السرير واتلموا حواليها
محمد فيه ايه
عائشة هقولكم بس حاولوا تتمالكوا اعصابكم
مازن قولى مټخافيش
عائشة حكت كل اللى سمعته من ندى وسوسن ليهم ومجبتش سيرة ان ندى غلطت مع الضو احتراما انها بنت عمها مهما كان.
مازن پغضب يا بنت ال... هى وصلت لكده
عمر هى جابت اخرها معانا يعنى فى الاول تساعد فى خطڤك ودلوقتى تعمل كده وتكون عايزه تموتك
محمد خلونا نبص للجزء الايجابى اننا عرفنا ان اعتماد هى اللى بتساعد الضو دى حاجه تانى حاجه عائشة ناخد بالنا منها وانها متاكلش اى حاجه اعتماد دى عملاها او اى حد عاملها بره عن سارة او والدتها تمام.
مازن طيب محڼا منضمنش ان محدش يحط حاجه فى الاكل بعد م يتعمل
محمد صح بس نحاول نحط عنينا فى وسط راسنا يومين بالظبط لحد ما نمسك الضو ونخلص من كل ده..
عمر تمام وانتى يا عايشة تاخدى بالك من نفسك وبلاش الطيابة اللى بتتعاملى فيها مع ندى دى.
عايشة حاضر يا ابيه.
واتفقوا على كل حاجه وسابهم محمد ونزل شغله وعمر ومازن كذلك.
عند ندى دخلت كافيه وقعدت فيه عشان لما يحصل حاجه لعائشة متكونش فى البيت
فونها ردن وكان الضو وردت
الضو ايه يا مزة عملتى ايه
ندى كله تمام حطتلها اول جرعة انهارده فى الفطار بتاعها.
الضو عفارم عليكى طيب ايه مش ناوية تيجى انهارده
ندى ضحكت ايه لحقت اوحشك
الضو حد ميوحشوش الجمال ده حتى يبقى أعمى
ضحكت وقالتله خلاص هكون عندك بليل وجهزلنا سهرة كده على زوقك.
الضو عيونى. تعالى بدرى عشان نلحق نقعد سوا
ندى اشطاا يلا سلام
وقفلت معاه وكملت شرب القهوة بتاعتها وهى بتبتسم انه خلاص فاضل تكة وعائشة هتبقى بخ من حياتها.
فى الادارة
محمود دخل المكتب لمحمد وادهم
محمود الضو كلم ندى وقاله المكالمه كلها واتفاقهم وعرفنا نحدد مكانه فين
محمد حلو اوى
ادهم نجهز ونتحرك ونروح نجيبه
محمد تؤ نبعت حد يمشط المكان الاول والصور توصلنا
ادهم بتفكر ف ايه
محمد اصلى ندى عملت معايا واجب شديد انهارده ف لازم ارده ليها بقضية جديده
ادهم قصدك ايه!
محمد يعنى هى رايحة للضو اكيد مش هيلعبوا كوتشينه اكيد هيخططوا لحاجة جديده او هيعملوا حاجه كده ولا كده
ادهم مممم فهمتك خلاص نبعت قوة تمشط المكان بهدوء ونهجم هجمتنا بليل.
محمد وهو بيريح ضهره لورا ومش اى ھجمة هانت يا ضو هاانت.
عند عائشة كانت قاعدة مع سارة ونور وحكتلهم كل حاجه
سارة خلاص انا هعملك الاكل بتاعك واطلعهولك بنفسى
نور وانا هفضل قاعدة معاكى اليوم كله ونذاكر سوا واخر الليل عمر يروحنى
عائشة ربنا يديمكم فى حياتى بجد
وحضنوا بعض هما التلاته.
سارة بقولكوا ايه ماتيجوا نعمل سهرة خفيفة هنا
عائشة بحماس يا ريت بجد.
نور استنى اكلم ماما واشاورها انى هبات مع عائشة انهارده واقعد معاكم ونجهز السهرة
عائشة اشطاا قومى كلميها
راحت نور تكلم والدتها وفضلت سارة وعائشة فى الاوضة
سارة مالك يا عائش
عائشة بحزن انا زعلانة على ندى اوى يا سارة ايوه طول عمرها بتكرهنى وبتخطط ازاى تطفشنى حقيقى بس برضو هى فى الاخر بنت عمى يعنى اخت وغير كده بنت على
