قصة جديدة كاملة

ياماما ارجعي انتي البيت وانا هبات مع غرام
_لا طبعا انا مش هسيبكم 
_ياماما ياحبيبتي غرام نايمه والدكتور قال مش هتفوق دلوقتي وكمان لازم شخص واحد بس ال هيبات معاها ارجعي انتي وانا هكون معاها متخفيش عليها انا هحطها ف عيوني 
_خلي بالك من اختك ياغزل ومن نفسك
_حااضر حاضر 
_ماما رجعت البيت وانا كنت مخنوقه اوي قولت انزل اتمشي شويه ماهو لازم افك نزلت ااتمشي وكنت ماشيه بعيط لقيت فجأة ايد بتتحط ع جسميايد بطبطب عليا وبيديني منديل بيقولي امسحي دموعك 
بصيتله بتعجب لقيته راجل كبير ف السن اوي اكبر من بابا كدا بعصبيه وخوف مين حضرتك انا مش عايزه منديل من حد 

_انا واحد رمته الدنيا عليكي لقيتك بټعيطي قولت اما احكي معاها يمكن اعرف اخرجك من حزنك مالك حزينه ليه 
_لا انا كويسه ومفيش حاجه شكرا ع اهتمام حضرتك
_انا زي والدك تقدري تفضفضي وتقولي مالك انا اه ربنا مرزقنيش باولاد لكن انا كان نفسي ابقي اب احكيلي يمكن ترتاحي وانا ارتاح
_بس انا حكايتي كبيره اوي مش مجرد كلام يتحكي ياعمو
_احكي بس قبل ماتحكي اوعديني انك مش هتعيطي تاني
وانتي شكلك ماكلتيش حاجه استني اجبلك حاجه تسد جوعك علشان تعرفي تحكي 
_بس انا مش هاكل غير لما اختي تخرج من المستشفى وتكون كويسه
_هتخرج صدقيني هتخرج وهتبقي بخير 
_فضلت اتكلم معاه هو اه كان ف سن بايا بس حسيت نفسي مرتاحه قد اي الامان والاحتواء حلوين قد اي انا كنت محتاجه ايد تاني تطبطب عليا غير ايدي كان نفسي ف اب زي الناس ع الاقل كنت هرتاح مكنتش هدور ع الاهتمام من حد
فوقت من شرودي ع صوت عمو بيقولي
_يلا ياست البنات علشان اوصلك للمستشفى لاختك
_لا لا شكرا ياعمو مش هتعبك معايا انا هاخد تاكس وهوصل كتر خيرك 
_كتر خيري ايه بس لا هوصلك وهطمن ع اختك وبعدها امشي
_وبالفعل وصلني لحد المستشفى كنت حاسه بامان اوي وكأني اعرفه من مده 
_هشوفك تاني امتي ياعمو 
_ف اي وقت تحتاجيني فيه هتلاقيني قدامك متقلقيش بس خلي بالك من نفسك 
_مسكت فوني وبدأت اكتب بوست هو ازاي ربنا رحيم بينا اوي كدا ازاي بيبعتلنا ناس تهون علينا ف الاوقات الصعبه دي ازاي ممكن الغريب يبقي احن من اهلك 
وسبت الفون وانا بفكر ف امر غرام هي مش هتفوق بقي ياربي انا وحشه من غيرها 
ولسه بفكر لقيت رساله من احمد
_تعرفي ليه ربنا بيبعتلك ناس تهون عليكي وطبطب ع قلبك علشان انتي تستاهلي الفرح تستاهلي تتحبي انتي تستاهلي ان يرتاح قلبك انتي جميله ياغزل
_كنت بقرأ الرساله وانا ببتسم ازاي شخص مايعرفنيش شايفني بكل الحب دا هو لسه ف ناس كدا 
_شوفت الرساله وماردتش 
_اي اختك عامله اية دلوقتي وانتي عامله اي احكيلي يومك
_بدأت اتكلم معاه واقوله قد اي كان يوم صعب بس احسن حاجه حصلت ف اليوم هي عمو وحضن عمو ال حسسني بالامان وان الدنيا بخير
_هو ليه مش كدا يعني ليه عمره ماحسسني بالامان
_علشان هو شخص مش سوي ياغزل هو ف حد يلاقي بنوته زيك وميحسسهاش بالامان 
_تعرف يااحمد هو عمرو ماحضني ولا قالي كلمه حلوه
_هو شخص خساره فيه محبتكم اصلا 
_انا مش بحب اتكلم عنه انا بكرهوا اوووي ياااحمد انا بكرهوا
_خلاص منتكلمش عنه تاني هو شخص وحش وانا كمان بكرهوا
_انت عارف هو مين علشان تكرهوا
_لا انا مش عارف هو مين بس كرهتوا زيك 
_انت عارف ان هو وصل غرام اختي للحاله دي
_٠متقلقيش ع غرام هتخف وهتبقي احسن وهترجع تفرح تاني وضحكتها تملي المكان
_تفتكر هترجعلي تاني 
_ااه هترجع والله 
ولسه كنت بكلم احمد وفجأه لقيت الدكتور بينادي عليا بصوت عالي غزل غزل غزل 
_جريت ع الدكتور وانا قلبي هيقف خير يارب اي حصل ف اي غرام كويسه يادكتور ف اي انطق اختي كويسه صح فاقت وعايزه تشوفني اه اصلها واخد انها اول ماتصحي من النوم بتكون عايزاني انا هدخل اشوفها 
_البقاء لله ياغزل انا عملت كل حاجه اقدر عليها لكن غرام ټوفيت انا حاولت اني الحقها لكن غرام كان رافضه تعيش 
_انت كداب انت بتكذب عليا