الفصل الخامس جديد
وهات الي عندك انا معنديش حاجه اخاڤ منها
لاحت ابتسامه ثم قال
مش هتروحوا
تعملوا محضر ولا ايه !
_ هيحصل
قالها والد مريم لتقول ناديه برجاء
انا عارفه انه حقك بس حرام عليك بلاش تحرمني من ابني ده ممكن يتحبس فيها وحيات بناتك عندك والعشره الي بينا
_ سيبهم يا ماما يعملوا الي عايزينه
بكت ناديه لتقول مريم
ضحك فادي بقوه وهو يقول
لا جامده دي منك بجد جااامده
تجاهلت كلماته وهتفت الي والدها
بلاش يا بابا احنا لسه في بينا نسب
_ نسب ايه ! انا مش هكمل مع سليم وهطلق
خرج صوت اشرقت بتلك العباره ليقول سليم
تطلقي من مين انا مالي بيتي يتخرب ليه !!!
هتف سليم بعصبيه
يااخي لما انت مريض كده كنت اتجوزت اي واحده تاني غير اخت مراتي
_ اهي الي جات في وشي اعملك ايه
قالها فادي ببرود تام ليقول شريف بحسره واضحه
قال جملته الاخيره ورحل بحزن لحقته ناديه ليقول سليم الي نيره التي تقف صامته
مبسوطه صح ھتموتي من الفرحه اكيد
_ ملكش دعوه بنيره
قالها فادي ليقول سليم
كله من تحت راسها شغاله تدعي علينا وعامله فيها الضحيه وناسيه انها راحت لحازم برجليها البند ده هي مسحته من ذاكرتها اصلا ولبست دور الضحيه دي حاجه بقت تقرف
سيبك منه متاخديش علي كلامه
واخيرآ خرج صوتها له وهتفت
ليه روحت قابلت حسام وفضحتني قدامه ليه كشفتني قدامه بالشكل ده ارفع عيني في عينه ازاي بعد كده !!
ولاول مره منذ اربعه اعوام تتحدث معه .. ابتسم بفرحه هاتفآ
انتي بتكلميني بجد
وكررت سؤالها مره اخري قائله
_ لاني شوفت في كلامك انك بداتي تتعلقي بيه وتحبيه حسيت انك اتغيرتي في الفتره الاخيره بقيتي كويسه خۏفت لما يعرف الحقيقه يبعد ويسيبك وانتي ملكيش ذنب في الي حصلك
_ حسام بنسبالي ولا حاجه اصلا مجرد صديق مش اكتر .. اما بخصوص اني مليش ذنب دي مش حقيقي سليم معاه حق انا روحتله برجلي ولو مكنش حصل يوم عيدالميلاد كان هيحصل لما انا روحتله صدقني انا مش مشكلتي في كده خالص عارف مشكلتي في ايه !
صمت فادي لتكمل نيره
متدخلش في حياتي تاني بعد اذنك سيبني في حالي وخلي سليم كمان يبطل كل مشكله تحصل يجيب سيرتي ويفتح القديم
قالتها واستعدت للرحيل ولكنه اوقفها وهو يجذبها من يديها هاتفآ برجاء
مش هتسامحيني !
_ انا مش هدعي عليكم تاني وانت ابقي روح اتعالج غلط تفضل كده
ضحك رغمآ عنه وقال
عارفه لما كنا هناك مركزتش مع اي حد غيرك كنت عايز اشوفك شمتانه وفرحانه ان حقك بيرجعلك بس شوفت عكس كده خالص عينك كانت كلها خوف عليا حتي دلوقتي حملتي نفسك ذنب الي حصل وانها بسبب دعواتك سليم مكنش يستاهل قلبك ولا حبك له عينيه اتعمت عنك علشان انتي تستاهلي واحد احسن منه الف مره
_ انا مش عايزه حقي يرجعلي منكم بطريقه دي مش عايزه حد فيكم يتاذي بسببي انا مش هقدر اسامحكم بس مش عايزه يحصلكم اي حاجه وحشه
_ حياتك دلوقتي هتمشي وحياتنا احنا هتقف سليم ومراته طالبه الطلاق وانا طلعت ساډي ااه من دماغ الستات طلعتني ساډي علشان تاخد حقها مني
_ يعني ايه ! هو مش انت الي عملت فيها كده وضړبتها !! وتاخد حقها منك ليه اصلا دي هي الي سابتك زمان حازم حكي ليا كل حاجه قبل كده
ضحك بقوه وهتف
ده انتي فايتك كتيير اووي يا
نيره كتيير
_ هتخربي بيتك بسببي يا اشرقت سليم ملهوش ذنب اخوه الي حيوان
قالتها مريم لتقول اشرقت
انا مش عايزه اعيش معاه ومتحاوليش معايا انا مش هرجع في كلامي
وهذا لم تضعه مريم في تفكيرها .. حياه شقيقتها ستهدم
بسببها ..
_ اشرقت بلاش تخليني اعيش بذنبك طول عمري انتي بقالك خمس سنين متجوزه سليم
