رواية حب غير مألوف الجزء الثالث والاخير بقلم نشوه عادل
حصل وقالت مليكة السبب
خديجة ايوة عشان انتى اتمكنتى من الخدمة بتحاول ترهبك عشان تمنعك تكملى
مريم والحل ايه!
خديجة لازم تحاولى تخلصى من الموضوع ده ف اقرب وقت ممكن لانها هتحاول تإذى الباقى منكم
مريم لازم اثبت لمراد الكلام ده بقولك ايه مش انتى عندك تسجيلات
خديجة ايوة
مريم عاوزة كوبى منها اسمعها لمراد ده الحل الوحيد
خديجة تمام
اخدت مريم التسجيلات ونزلت وهى بتجرى اتفاجئت بمراد واقف تحت وبيبصلها پغضب انتى بتعملى ايه هنا ووو..يتبع
انتى بتعملى ايه هنا ي مريم! دجالة ع اخر الزمن جاية تتعاملى مع دجالة وبتخبى عليا وكمان تخلينى اقابلها واقعد معاها وانتى عارفة انى بكرههم امال لو مكنتيش بتصلى وعارفة ربنا وكمان متعلمة!
مراد پغضب وهو بيمسكها من دراعها پعنف اسمع ايه وزفت ايه انتى اللى هتسمعى كلامى وتنفذيه بالحرف الواحد ممنوع تيجى للست دى تانى ولو عرفت انك جيتى هنا او قابلتيها حتى صدفة لا انتى بنت خالتى ولا اعرفك
مريم بهدوء انا هسيبك تهدى لانى عارفة انى مهما قولت انت مش هتصدقنى لما يكون عندك استعداد تسمعنى والاهم انك تصدقنى انت عارف العنوان
مراد وهو بيقف قصادها نعم يعنى ايه انتى هتيجى معايا ع البيت ورجلك فوق رقبتك
مريم وانا معنديش استعداد اقعد مع حد مش واثق فيا
مريم قولتلك مش جاية معاك انا هروح ع شقتنا
وبدون مقدمات مسكها مراد ڠصب عنها وزقها جوة العربية وقفل الباب وركب وساق وهو ع اخره كانت مريم ساكتة طول الطريق ومبتتكلمش وصلوا عند البيت
مراد هتنزلى بالذوق ولا اجرجرك ادام الناس
اتنهدت مريم ونزلت بسرعة وطلعت ع فوق دخلت ع اوضتها بدون اى كلام ... نادية وهى بتجرى وراها مريم ..انتى ي بت انا بكلمك ردى عليا فى ايه ي مريم!
مريم بعياط اسألى ابنك ولو عنده الجرأة يقولك
انهت كلامها ودخلت ورزعت الباب وراها طلع مراد واتكلم بصوت عالى من هنا ورايح مفيش خروج من غير اذنى مواعيدك كلها هتكون معايا كليتك وكورساتك انا اللى هوديكى وهجيبك ويا انا يا انتى ي بنت شادية لو انتى مچنونة انا اجن من اهلك كلهم
مراد انا عطيت لنفسى الحق لانى انا الراجل ي امى ولا انتى ليكى رأى تانى!
نادية مقولناش حاجة بس الكلام ده لو عملت حاجة غلط وانا واثقة ان مريم عمرها ما تعمل حاجة وحشة
مراد هى معملتش حاجة غلط هى بس فقدت عقلها مش اكتر
نادية يعنى ايه!
مراد بنفخ مفيش هى فاهمة انا قصدى ايه انا هنزل ارجع العيادة لسه عندى شغل
نزل مراد وساب نادية تخبط كف ع الاخر ده انا اللى هتجنن منكم قريب
عدى اليوم واتصلت مريم ع خديجة وعرفتها باللى حصل وانها صعب تقابلها الايام دى الا لما تتكلم مع مراد الاول ...فى صباح اليوم التالى ...نادية يلا مريوم اصحى بقا عشان نفطر
نادية ي بنتى افتحى الباب وكلمينى زى ما بكلمك عيب كده
مريم فتحت الباب ودخلت نادية قعدت جنب مريم ع السرير طبطبت عليها واخدت بحضنها مالك بس لسه زعلانة من مراد برضه!
مريم ايوة ي خالتو زعلانة عشان مراد شايف نفسه صح ف كل حاجة
