رواية كاملة بقلم اسراء ابراهيم

البنت اللي هو بيتمناها وبعد كدة ترجع زي الاول بس دلوقتي حاجة غريبة ابتدت تحصل وكأن الموضوع قلب حقيقة فاقت بسمة من سرحانها علي صوت صالح اللي بيقؤلها بابتسامة 
يلا بينا ننزل نتعشي خالتي مستنيانا وايه رأيك بجي انا جولتلها اني هخرچكم بكرة ايه رأيك
سقفت بسمة بفرحة وقالت بحماس 
طبعا موافقة بقالنا كتير اوي كدة مش بنخرج
ضحك صالح علي كلام بسمة وهو بيقؤل بتحذير 
ماشي يا ستي بس خدي بالك ممكن يچيلي تلفون واروح الشغل في اي وجت انا بجولك عشان متجوليش اني بوظت الخروچة 
ردت بسمة وهي بترفع كتافها بتلقائية 

عادي وقتها بقي اول ما تليفونك يرن هاخده واخبيه ومش هخليك ترد
بيحاول يفسر تصرفاتها وتصرفاته هو كمان في الاول فتون مكنتش شاغلاه ومكنش حتي بيفكر فيها واتجوزها وهو عارف ومتأكد انها بتحب صالح لانه كان باين في تصرفاتها معاه وكلامهم سوا وده كان بيضايقه اوي يمكن عشان شايف ان صالح هو اللي بياخد كل حاجة وانه بالنسباله دايما بيبقي الاختيار الثاني ابتسمت فتون وهي باصة لسالم وافتكرت لما شافته واقف مع البنت تحت قدام البيت ووقتها قلبها ۏجعها ودموعها نزلت بصمت وفجأة فتح سالم عيونه وبص في عيون فتون واتنهد 
دموعك غالية عليا جوي يا فتون حجك عليا لو كنت انا السبب فيها
فتون بصت في عيون سالم وهو بيمسحلها دموعها وقالتله بتلقائية
تبجي حبيبتك البنتة دي مش اكده يا سالم
اټصدم سالم من سؤال فتون وده خلاه يعيد تفكير في كل اللي حصل من يوم جوازهم لحد دلوقتي واتفاجأ سالم بفتون وهي بتكمل كلامها وبتقؤله ...
البارت السادس
بسمة الصعيد
وفي عز ما سالم بيجمع الاحداث في باله اتفاجأ بفتون وهي بتكمل كلامها وبتقؤله وهي حزنها مسيطر عليها 
طب اما تطلجني هتتچوزها يعني هي هتنام چارك كيف منا نايمة اكده وهتصحي كل يوم الصبح علي صوتك طب
قاطعها سالم وهو بيقومها بسرعة وبيبص في عيونها وبيسألها بشك 
مش صالح اللي انتي عاشجاه مش اكده يا فتون
دموع فتون نزلت وهي بتحرك راسها يمين وشمال بهدوء وهي باصة في عيون سالم اللي كمل كلامه پصدمة وهو بيشاور علي نفسه كأنه بيكلمها ويفهمها الحقيقة اللي كانت غايبة عنه 
انا اللي انتي عاشجاه صوح وعشان اكده بكيتي لما شوفتيني واجف مع جمر وعشان اكده حزنتي وبكيتي لما جولتلك اني مكنتش اجصد اني اجرب منك وعشان اكده برضه سمعتي حديتي اللي چرحتك بيه وسكتي وانا بتهمك انك عاشجة صالح اخوي ردي يا فتون انطجي
فتون كانت باصة لسالم وهو بيتكلم ومش بتنطق وبعد ما خلص كلامه بعدت ايده عنها ومشيت من قدامه وسابته ودخلت البلكونة ووقتها سالم قعد عالسرير پصدمة وحط وشه بين ايديه وافتكر كل موقف حصل منه وهو بغباءه اتصرف معاها غلط كان مصډوم مش متخيل ان ممكن تكون فتون بتحبه كان بيسأل نفسه ازاي وامتي ده حصل يمكن لانه مكنش متخيل ان بنت زي فتون تكون بتحبه هو بعيوبه دي كلها وعشان كدة توقع انها بتحب صالح لانه احسن منه والاهم انه هيعمل ايه بعد ما عرف الحقيقة بس كأن فتون كانت حاسة بحيرته واتفاجأ بيها بتقؤله بجمود 
هو شهر وتطلجني يا سالم
رفع سالم وشه پصدمة وبص لفتون وقال باستغراب
انتي بتجولي ايه اطلجك كيف يعني
ردت فتون بسخرية وهي بتقعد قدامه عالكرسي
زي ما سمعت يا واد عمي اظن كفاية لحد اكده ومش هنضحك علي بعض عاد هو شهر وتطلجني ووجتها تجدر تعمل اللي انت رايده وتتچوز البنتة اللي بتحبها
سالم غمض عينه بحيرة ورد بهدوء عكس اللي جواه 
ومين اللي جالك اني هطلجك يا فتون ا
ردت فتون پغضب وهي بتشاور لسالم يسكت 
انت هطلجني يا سالم واللي انت عرفته من شوية صدجني مش هيغير حاچة
سالم بص في عيون فتون وقال بتنهيدة
اني اسف يا بت عمي صدجيني مكنتش جاصد اني اچرحك اني مكنتش خابر انك
قاطعته فتون وهي بتقوم وبتقؤله بصوت مخڼوق
العشج مش بيدينا يا سالم واني جولتلهالك جبل سابج مهتفرجش معاك لو عرفت عشان انت اصلا مكنتش شايفني يا واد عمي يبجي خلينا عالاقل جرايب طالما مهنبجاش احباب طلجني يا سالم
مهيحصلش
قالها سالم باندفاع وضيق وهو بيقوم هو كمان وكمل كلامه وهو بيسيبها ويدخل الحمام 
واديكي جولتيها يا فتون مهتفرجش يبجي كاني مسمعتش حاچة وهتفضلي علي زمتي وياريت نجفل عالحديت في الموضوع ده من اساسه
سمعت فتون كلام سالم ودموعها اتحررت ونزلت يمكن كان عندها امل بعد ما عرف الحقيقة انه يشوفها اخيرا ويحاول يقرب منها بس للاسف سالم هيفضل سالم ومش هيتغير
تاني يوم كانت واقفة بسمة مع نسرين امها قدام الڤيلا ونسرين كانت طايرة من الفرحة وهي شايفة بسمة لبسها متغير للاحسن وكمان لابسة طرحة ومن غير ميكب اوڤر ودي بداية مبشرة ان بسمة ممكن ترجع تاني زي الاول ونسرين اتنهدت براحة