قصة نهال وبسام الفصل الثالث والرابع والاخير
مدت نهال بابتسامة ولبست الدبلة وبعدها الخاتم وعجبوا نهال جدًا
والدة طاهر: عجبوكي ولا نغيرهم؟
نهال: لا عجبوني جدًا، شكلهم لطيف ونفس ذوقي
ابتسم طاهر على كلامها وفرح إنها عجبتهم
خد دبلته ولبسها، وأهلهم باركوا ليهم
طاهر: طب عايزين نتفق على موعد كتب الكتاب والفرح يا عمي
والد نهال: مفيش مشکلة، الوقت اللي تحبه قول عليه، احنا جاهزين في كل حاجة
طاهر: خلاص بعد شهرين، وبص لنهال وقال: كويس المدة دي ولا إيه يا عروسة؟
قالت پھمس: مناسب
طاهر: تمام كدا، هيبقى يوم الخميس كتب الكتاب مع الفرح
نهال: وهنعمل فرح إسلامي؟
طاهر: أكيد
ابتسمت نهال ماكنتش متوقعة إن أمنيتها تتحقق، كانت لما تقول لحد نفسي فرحي يبقى
إسلامي كانوا يتريقوا عليها ويقولوا مين أصلا العريس اللي هيرضى بطلبك دا
وأخيرًا اللي اتمنته اتحقق
فاقت من أفكارها على صوت والدتها وهى بتقول: إيه يا نهال روحتي فين؟
نهال پاحراج: معلش سرحت، كنتم بتقولوا إيه؟
طاهر: حابة نحجز في قاعة إيه؟
نهال: الصراحة ماعرفش قاعات بتعمل أفراح إسلامية، فلو تعرف أنت احجز أنت
طاهر: ماشي الشهر الجاي إن شاء الله لما أنزل هحجز
وقعدوا معهم شوية ومشيوا عشان يلحق يجهز الهدوم اللي هياخدها ويمشي
رجع البيت جهز حاجته، وبعدها طلع سلم على مامته ومشي
فات أسبوع وكل يوم طاهر بيكلم أهل نهال بيطمن عليهم وبيكلم نهال لو في أي حاجة بخصوص الفرح بيقولوها وقدام أهلها
بتعدي الأيام، وجه اليوم اللي هيرجع فيه البيت، كان معرفهم إنه جاي النهاردة، وراكب في الأتوبيس ولكن فجأة عطل منهم
والدته قلقت عليه إنه اتأخر اتصلت عليه مابيردش المكان مافيهوش شبكة ومش عارف يرن على والدته يطمنها عليه
اتصلت بعدها على نهال وقالت لها إنه اتأخر وأهلها عرفوا
