رواية عاد نادما للكاتبة بسملة بدوي
وقفت وانا ببكي ومش قادرة اتكلم ولا استحمل كلامه ووجعه دا وضمتني والدته وقالتلي ( معلش يا حبيبتي يوسف بيحبك وقال كدا من حبه ليكي )..بكيت اكتر وقولتلها ( يوسف شايفني خاينه )..قالتلي ( لا يا حبيبتي يوسف اكيد عارف ان
انتي مظلومه وبيدور علي تفسير للصورة الا جاتله دي )..بصتلها بحزن وقولتلها پغضب ( واكيد ياسين الا بعتله الصورة دي صح )..قالتلي بحزن ( هنفهم كل حاجه لما نروحله دلوقتي ).. وخرجنا انا وهي وروحنا علي العنوان ووقفنا قدام
باب الشقه ورنينا الجرس ولقينا البنت الا كانت معاه هي الا بتفتحلنا وبصتلي بسخريه وقالتلي ( انتي تاني )..بصتلها پغضب واتكلمت والدت يوسف وقالتلها ( احنا عايزين ياسين
هو موجود ).. هزت البنت راسها بسخريه وقالتلها اه موجود اتفضلوا )..ودخلنا وانا ببص حواليا ولقيته خارج من غرفة النوم وهو صدره عاري وبيسأل البنت مين الا جه وبصلنا
بصدم#مه اول ماشافنا وانا عيني جت علي صدره وكان واضح جدا الچرح الا في قلبه وخفضت عيني في الارض علي طول عشان ماشوفش واحد غريب عني بالمنظر دا...
وهو لاحظ دا وابتسم بسخريه وطلب من البنت الا معاه تجبله قميص ولبسه وهو بيبصلي انا ومامته بسخريه
قربت منه والدته بلهفه وقالتله ( ياسين حبيبي انت فوقت ورجعت امتى وليه ماطمنتنيش عليك دا انا كنت هتجنن من الخۏف عليك يا ياسين )..بصلها بسخريه وقالها بجمود ( وانتي فاكره ان انا هتأثر بالكلمتين دول وجايه وجايبه مرات
ابنك الحيله عشان تصلحي بينهم وتثبتلها ان انا ياسين وهو يوسف ).. رفعت عيني وبصتله بصدم#مه وانا مش مصدقه الطريقه الا بيتكلم بيها مع مامته وفعلا في فرق كبير بينه
وبين يوسف ولقيته قرب مني وقالي بسخريه ( ايه يا عروسه روحتي قولتي لجوزك وهو بعت معاكي امه عشان تضربني هو روح امه مابيعرفش يتصرف زي الرجاله وبيبعت مامته )..
مش معقول طريقته دي، بجد الفرق بينه وبين يوسف فرق السما من الارض
ردت عليه والدته پغضب وقالتله ( ياسين خد بالك من كلامك واعرف انت بتقول ايه انت بتتكلم عن اخوك وداليدا مراته وصدقني يوسف لو كان يعرف بالا انت عملته ماكنش هيسكت )..رد بسخريه وقالها ( انا مليش اخوات وابنك دا مايقدرش
يعملي حاجه ).. رديت عليه پغضب وقولتله ( لا عملك وعملك كتير اوي واول حاجه عملهالك انه انقذ حياتك وكمان ظهر باسمك عشان يبعد عنك اي اذاى وحط نفسه في الخطړ عشان
يحميك ) ..بصلي بسخريه وقالي ( ياااه دا انتي شكلك بتحبيه اوي )..قولتله طبعا لانه انسان بجد وعنده ضمير واخلاق )..بص لوالدته پغضب ورد عليا وقالي ( معلش اصله متربي في
حضڼ امه وهي ربته كويس مش زيي ملقتش حد يربيني )..بصتله والدته بصدم#مه وقالتله ( ياسين انت ماتعرفش الا حصل ).. رد عليها بسخريه وقالها ( انا عارف كل حاجه من
يوم ماوعيت علي الدنيا وعارف ان انتي اخدتي ابنك الا بتحبيه وهربتي وبابا م١ت بحسرته بسببك وعمي منير الله يرحمه هو الا رباني ولولاه كان زماني مېت زي ابويا )..بكت
والدته وقالتله ( عمك منير دا هو الا قتل ابوك وۏلع في البيت وكان عايز يموتنا كلنا عشان يورث ابوك وانا حاولت اخدكم
واهرب من البيت بس انت كنت مع والدك وافتكرت ان عمك قټلك معاه وعشان كدا اخدت يوسف وهربت وعشت عمري كله
