الهاربة

هدي اغمي عليها بعد اللي حصل و دخلت المستشفى اما حسام مشي بعد ما خلص كلامه
الدكتور 
اهدوا يا جماعة هي كويسة دلوقتي لكن من الواضح ان حالتها النفسية سيئة فا يريت تحاولوا تخرجوها من الحالة اللي هي فيها دي علشان لو حصل لا قدر الله انتكاسات ممكن يكةن في مضاعفات احنا في غني عنها
الاب 

ماشي يا دكتور نقدر نشوفها
الدكتور بهدوء 
لا مش هينفع دلوقتي هي واخدة مهدئ ولا زم ترتاح تقدروا تروحوا و تجوا بكرة ساعتها تقدروا تشوفوها
صالح
بس انت مش قلت ان حالتها كويسه ليه مش عايزنا نشوفها
الدكتور
يا فندم انا قلت لك حالتها كويسه بس برده انا مديها مهدئ علشان حالتها النفسيه دي ترتاح من التوتر والقلق اللي عندها
صالح
تمام تمام يلا يا بابا خلينا نروح ونيجي لها بكره الصبح
الاب
ماشي يا ابني تعالى ربنا يجيب العواقب سليمه
روحوا اما في المستشفى في اوضه هدى دخلت الممرضه تغير لها المحلول
هدى بدموع
هم اهلي بره ولا مشوا
الممرضه
لا مش موجودين بره انت محتاجه حاجه نجيبها لك
هدى عيطت پخوف
انا عايزه اخرج من هنا
الممرضه
طب اكلم لك اهلك واخليهم يجوا يخرجوكي زي ما انت عايزه
هدى پخوف
لا لا انا مش عايزه اهلي يعرفوا حاجه لو سمحت ساعديني اخرج من هنا
الممرضه بهدوء
احكي لي حكايتك الاول وقولي لي انت عملت ايه علشان تخافي كده
هدى ابتدت تحكي لها كل حاجه وهي بټعيط وبتقول
اقسم بالله انا مظلومه وما عملتش اي حاجه انا متاكده ان اهلي مش هيسكتوا وحسام كمان هيفضحني في الحته كلها ارجوك انا عايزه امشي من هنا ساعديني اعتبرني زي بنتك
الممرضه
يا بنتي انا خاېفه عليك صدقيني خلاص انا هحاول بس انا لو جت رجلي في الموضوع انا هروح في داهيه
هدى پخوف
لا صدقيني مش هعمل لك اي مشاكل ولا هجيب سيرتك حتى بس خرجيني من المشكله دي
الممرضه
طب افتراض انا ساعدتك يعني هتعملي ايه هو هتروحي فين ليكي حد تروحي عنده قصدي يعني ليكي مكان
هدى بدموع
لا انا ما ليش حد بس برده مش هقدر ارجع على اهلي تاني هروح اشوف اي حته اقعد فيه ارضى الله واسعه
الممرضه
بصي
يا بنتي انا عندي حل ايه رايك تشتغلي ممرضه في مستشفى في الاسكندريه انا اختي شغاله هناك دكتوره اتوسط لك وتروحي تقعدي هناك وهيوفروا لك مسكن تقعدي في لما اقول لهم انك مغتربه
هدى بفرح
انت كده تبقي خدمتيني خدمه العمر
الممرضه
طب خليكي هنا وانا هروح اكلمها وهاجي ما تتحركيش
هدى
ما تقلقيش مش هيروح في اي حته
خرجت الممرضه بسرعه واتصلت على اختها اللي قالت
ودي موثوق فيها يعني يا ماجده ولا انت جايبه لي حد اي كلام
ماجده
بصي هي بنت غلبانه كده وما لهاش حد تروح عنده قلت ابعتها لك المستشفى عندك تشوفي لها مطرح تقعد فيه وتاكل لقمه عايش بالحلال يعني يا فريده
فريده
طيب يا ماجده