جميلة رغم الصعوبات بقلم الكاتبة المجهولة

حندبر الموضوع دا.
الطبيب_ .. تمام أنا حكتبله خروج و خرج.
عزيزة_ .. طب أجلو موضوع سفر اسكندرية دا شوي
عز_ .. معلش يا عمتي عشان هي بردك تشوف كليتها و ليكي علي آخدك ليهم علطول.
رن تليفون جمعه_ .. السلام عليكم أيوه مين معاي مين 
هب واقفا بخضة_ .. أيوه مستشفي إيه
ثم أغلق الخط وخرج مهرولا مسكه عز_ .. إيه في إيه
جمعه بحزن_ .. علاء عمل حاډثة وموجود في المستشفي
هرول الجميع للخارج فزعا ماعدا فاطمة التي ما أن خرجوا وقد صدمت مما استمعت وبكت بشدة لا تعلم أحزنا أم تذكرت ما حدث لها امسك ابراهيم يدها وأشار لها بعيناه ولكنها لا تفهم مقصده ابتعدت عنه بحرج وفي نفسها لم تعد تشعر به كابراهيم الرجل الطفل منذ أن فقد الكلام ربما كلامه ومرحه الطفولي كانا يريحاها وكأنها تتعامل مع طفلها لكن الآن فقد النطق وكل ما يعبر به عيناه التي لا تستطيع أن تقرأ لغتها.

دخل جمعه باكيا وبدون مقدمات احتضن ابراهيم وبكي بشدة_ .. أخونا ماټ يا ابراهيم علاء ماټ عارف إنه ظلمك وافتري عليك ياما بس انت جلبك أبيض ادعيله بالرحمة
أكمل وهو يبكي وينظر لفاطمة_ .. حجك جه وبزيادة ااااه يا خويا جثته لمينها فكيس الحاډثة بشعة جوي.
نزلت دموع فاطمة لا تعرف لما تبكي حزنا عليه وهي لم تكره في حياتها أحدا كما هذا الشخص أم تأثرا بحالة أهله_ .. ربنا يرحمه ويسامحه المفروض حضرتك تجمد عشان مامتك وباباك.
تم دفنه وعاد الجميع النساء بالمنزل والرجال بمندرة كبيرة خاصة بالمناسبات تابعة للبلد الشيخ يقرأ والكل جالسون جاء تليفون لأبو ليلي من صفاء زوجته_ .. إيه يا صفاء هو دا وقته الشيخ بيقرأ.
صفاء ببكاء_ .. إلحق يا حاج ليلي مش موجودة ومحدش يعرف عنها حاجة
أبو ليلي_ .. تلاجيها فأي حته أكيد مش مصدجة اللي حصل لراجلها بردك.
صفاء ببكاء_ .. آني سألت عليها مرت جمعه جالت انها خرجت امبارح بدري وجالتلها انها جاياني ومن ساعتها وهي مشافتهاش
أبو ليلي_ .. وبتها نسمه وينها
صفاء ببكاء_ .. بتلعب بره ولا هي حاسه بحاجة.
أبو ليلي_ .. طب رني علي خيتها يمكن راحتلها
صفاء_ .. معاي يا حاج وينها بتي آآه يا ليلي
أبو ليلي_ .. بطلي عديد وآني حدور عليها 
وقفل معها ووقف خارجا لحقه عز_ .. فيك إيه يا أبو ليلي شايفك مضايج
أبو ليلي_ .. ليلي يا عز يا ابني مش لجيينها ولا نعرف هي فين.
هنا تذكر عز كلام مختار عندما قال أنه رآها مع علاء أين ذهبت وقد كانت معه بالسيارة ولكن الحاډثة لم يكن بها سوا علاء
أبو ليلي_ .. مش عارف أروح فين ولا أعمل إيه
عز_ .. احنا نبلغ المركز يالله آني جاي معاك. وانصرفا سويا
عند فاطمة وهي تنظر لابراهيم بابتسامة_ .. فيك حاجة اتغيرت نفسي أعرف إيه
ثم تنهدت تنهيدة طويلة_ ..تعرف وحشني صوتك مش عاوز تكلمني برده طب شاور اعمل أي حاجة
ولكن ابراهيم ينظر لها بابتسامة وليس له أي ردة فعل.
فاطمة_ .. طب الابتسامه الحلوه دي ليه
ثم أخفضت صوتها واقتربت منه_ .. هو انت فرحان باللي حصل لعلاء 
اتسعت ابتسامته وتنهد براحة.
فاطمة_ .. لا برده يا هيمه أنا عارفة انه كان بيضربك ويهينك ويضحك عليك الناس بس مهما كان أخوك
اشټعل وجهه بالڠضب وكور يده.
فاطمة_ .. أنا آسفة آني فكرتك بحاجات زي كدا
في قسم الشرطة
الضابط_ .. المشكله ان البلاغ مينفعش قبل ٤٨ ساعة
عز_ .. هي كدا لها أكثر من ٣٠ ساعة لأنها غايبة من امبارح الصبح ودلوك بجينا عشا
الضابط بتذكر_ .. طب ممكن أكلمك علي انفراد.
عز _ .. طب يا حاج استناني بره
أبو ليلي_ .. متجولوا في إيه جدامي
ثم نظر برجاء للضابط_ .. جول يبني حصل إيه تعرف حاجة جولها وريحني.
الضابط_ .. أنا والله مش متأكد احنا لجينا چثة واحدة انهاردا الصبح واجعة من الجبل وممكن متكنش بتك.
أبو ليلي بقلق_ .. ان شاء الله مش بتي وبتي إيه اللي يوديها الجبل دا بينه وبينا سفر.
الضابط محاولا طمئنته_ .. تعالوا معايا المشرحة نتأكد بس وان شاء الله متكونش هي وحرجع معاكم نعمل بلاغ و حكتب ان مر عليها ٤٨ ساعة.
عز_ .. احنا متشكرين لك يا حضرة الضابط.
الضابط_ .. دا واجبي اتفضلوا معايا و خرجوا .
عند الحريم في بيت عبدالرحيم
وقد مشي جميع المعزين ماعدا صفاء وبنتها
صفاء ببكاء_ .. جلبي مش مطمن بنتي فيها مكروه. آآآآه يا بنتي.
عزيزة_ .. هدي نفسك بس يا صفاء دلوك تلاجيها داخله آني خبراها ليلي لما تتضايج تلاجيها جعدت مع نفسها ومعتش نشوفها.
أختها ببكاء_ .. بس بنبجوا عارفين وينها.
أتت إليهم فاطمة_ .. لسه مفيش أخبار
رقية_ .. لا والله سي عز وعمي أبوليلي راحوا يعملوا بلاغ.
نظرت فاطمة لنسمه بحنان التي تجلس بتوهان بين ما يبكون لمۏت أبيها وما يبكون لفقدان أمها. ذهبت إليها_ .. طب أنا حاخد نسمه أنيمها عشان هي صغيرة علي اللي بيحصل حواليها.
رقية_ .. يا ريت يكون أحسن كتير اللي بيحصل علي سنها.
حملتها فاطمة وصعدت بها لشقتها ودخلت بها وجلست وأجلستها علي قدمها_ .. الحلوة اتعشت ولا لسه
نسمة_ .. لع محدش فاضيلي
وقفت فاطمة_ .. تعالي معايا المطبخ ونجهز أكل سوا ونصحي هيما ونتعشا سوا.
عند المشرحة يخرج أبو ليلي مڼهارا وعز يسنده_ ..حجول لأمها إيه حعمل أنا إيه يا ريتني ما مشيتها لما جاتني غضبانه
عز بحزن_ .. اهدا يا حاج وخلي إيمانك بربنا كبير ودا عمرها
أبو ليلي_ .. كيف راحت للجبل وليه
الضابط_ .. يؤسفني اقول لحضرتك انها مېته مقتوله لان اللي عمل كدا خنقها ورماها من الجبل ودا اللي بلغنا بيه الطب الشرعي.
أبو ليلي_ .. تقصد أن حد اعټدي علي بتي وبعدين جتلها يا ڤضحتنا
الضابط_ .. لاه يا حاج مفيش أي آثار اڠتصاب الجاتل ليه هدف تاني ولا حتي سرجة لان لجينا معاها دهابها.
أبو ليلي_ .. و مين يعمل كده في بتي و إيه غرضه
الضابط_ .. احنا حنحجج وان شاء الله نوصل لنتيجة.
عند فاطمة وهي تدخل هي ونسمة لإبراهيم_ .. يالا نصحيه سوا
الټفت لهما ابراهيم_ .. إيه دا صحي يالا العشا
نظر باستغراب لنسمه كأنه لا يعرفها
فاطمة_ .. دي نسمة معقولة نسيها.
نسمه_ .. انت معتش بتلعب معايا ليه
ظهر علي وجهه التعجب
فاطمة_ .. إيه يا ابراهيم دي نسمه بنت أخوك علاء يالا العشا جاهز شكلك لسه نايم وبتحلم
علي مائدة العشاء
نسمه_ .. أكلك حلو جوي يا أبلة فاطمة أحلي من أكل أمي بس اوعي تجوليلها احسن تضربني
فاطمة_ .. ألف هنا يا حبيبتي ابقي تعالي علطول وانا اكلك أحلي أكل.
تناولها العشاء وأتت بالشاي لها وابراهيم وعصير لنسمه التي شربته ونامت علي قدم فاطمة كل هذا وابراهيم يتابع فقط فجأه سمعا صوت الصړاخ بالأسفل فحملت فاطمة نسمه ونيمتها ونزلت هي وابراهيم علي درجات السلم فسمعا الكل يبكي مۏت ليلي
ثاني يوم ليلا في مربوعة ربيع وعائلتهم مجتمعه
ربيع_ .. عز عمل الصح لما ما جالش علي ان ليلي كانت مع علاء احنا معيزينش المشاكل تزيد كفاية اللي فيه العيلتين ولو الحكومة كشفت حاجة يبجي ساعتها نواجه الأمر كيف ما يستحج
زين_ .. نعم الرأي يا بوي
عبدالرحيم بحزن_ .. تفتكر يا خوي يكون علاء هو اللي جتلها.
ربيع باسي_ .. ربك يعلم سيبها علي الله ومسير الحج يبان.
جاء مختار مهرولا_ .. إلحج يا بوي الشرطة عندنا هناك
عز_ .. خير يمكن عرفوا مين جتل ليلي
مختار _ .. أنا شفتهم جيت جري
خرجوا جميعا فالبيتان متجاوران وجدوا الشرطة في حديقة المنزل أمام الباب ويقف معهم جمعه_ .. خير يا حضرة الضابط
جمعه بحزن_ .. تخيل يابا بيسألوا عن علاء.
الضابط_ .. المدعو مطلوب القبض عليه في عدة جرائم.
ربيع متعجبا_ .. عدة جرائم كيف يعني
الضابط_ .. الموضوع كبير جوي يا حاج دا متهم في جتل تلاته
صعق الجميع
عزيزة ببكاء_ .. واه آه يا ولدي لو تعرفوا ان اللي بتكلموا عنه جابل وجه كريم أكيد مظلوم
الضابط بتعجب_ .. جابل وجه كريم! مېته حصل.
عز_ .. عدا حوالي ٣ أيام علي ۏفاته
الضابط بأسف_ .. يعني تجريبا ماټ بعد ما جتلهم
عز _ .. مين دول اللي جتلهم
الضابط بجدية_ .. جتل مرته ليلي اللي انتم مجدمين بلاغ عن اختفائها و مرته و و
ربيع_ .. في ابه يا حضرة الضابط
الضابط_ ..شكل علاء ولدكم كان متجوز واحدة عرفي وجفشها وهي ټخونه فجتلها هي وعشيجها لان احنا لجيناهم مجتولين في وضع مش ولابد لكن جتله لليلي مرته الأولي منعرفش سببه
جمعه_ .. ووصلته لكل دا كيف
الضابط_ .. الكاميرات كشفته وهو داخل وهو خارج من العمارة اللي فيها شجته في سوهاج أما بالنسبة لزوجته ليلي لما بحثنا في المكان وعلي الجبل لجينا بطاجته هناك
ربيع_ .. وأديك شايف يا ولدي ولدنا ماټ كيف نجدر نخدمكم
الضابط_ .. اني اللي مش عارف اجولكم ايه يا حاج وكان الله في العون 
ثم أشار للقوة التي معه وانسحب
عزيزة بانهيار_ .. آآآآه يا علاء عملت فنفسك وفينا إيه يا ولدي
ربيع بصرامه يخبط عصاه في الأرض_ .. مش عاوز نواح وانت يا عز تروح لأبوليلي وتحدد معاه جعده وتجوله اننا تحت أمره في كل اللي يأمر بيه.
في بيت عادل يجلس بحجرته وهو ممسك بصورة ورد _ .. وحشتيني يا ورد مشتاق ليكي كل حاجة وحشه من غيرك
خيط باب حجرته فأذن بالدخول لتدخل لوجي وعزت عادل وهو يعيد الصوره علي الكومودينو_ .. خير يا ولاد
عزت_ .. بنستأذن حضرتك حنروح لفاطمة نسهر معاها أصلها حتسافر اسكندرية بكره
عادل_ .. طب خدولها زيارة كويسه معاكم
ذهبت إليه لوجي _ .. ربنا ما يحرمنا منك يا بابا
ربت عادل وجنتها_ .. ولا منكو حبيبتي وخلو بالكم بلاش ضحك ولعب بصوت عالي لأني عارفكم والناس عندهم حالة ۏفاة
عزت_ .. متقلقش يا بابا احنا بنعرف في الأصول برده
عادل_ .. لولا عاوز أنام كنت رحلتهم انهاردا كمان الناس مأصروش يوم ۏفاة الغالية
في حجرة عز يدخل الحجرة و يخلع جلبابه و يعلقه علي الشماعه و يأخذ ملابس بيدخل الحمام.
نيفين_ .. حتفضل مخاصمني كتير
نظر إليها بسخرية ثم دخل الحمام ولم يعيرها أي اهتمام.
رن تليفونها_ .. الو ايوه يا كوثر لسه زي ما هو والله أنا تعبت بحبه والله بس مش قادرة أتأقلم مع حياته دي هو مش مخليني محتاجة حاجة وبياخدني معاه لما يروح اسكندرية بس وقته هنا أكتر وأنا معتش قادرة استحمل تخيلي أنا تقريبا طول ما احنا هنا وأنا مش بخرج من أوضتي ريف إيه وجمال إيه أنا مش حاسة الا بالغربة وكائنات عريبة ههه عيال