جميلة رغم الصعوبات بقلم الكاتبة المجهولة
.. علاء اتكلم عن أخوك كويس إياك يشتكي منك هو أو مرته.
ليلي بصوت واطي لزوجها_ ..من اولها حيخلوها تتنطط علينا
علاء في نفسه_ .. كله بالهداوة وفي الآخر مبيحصلش الا اللي أنا عاوزه والمرادي غير
نرجع للعرسان في المطبخ علي سفرة تتوسط المطبخ
ابراهيم_ .. الله اكلك حلو جوي
فاطمة _ .. ألف هنا بقي ينظر إليها
ابراهيم وعيناه تملأها الدموع_ .. انت مش حتزهجي مني و تسيبيني
فاطمة وهي تضغط علي يده_ .. مين قالك كدا مش أنا وعدتك.
ابراهيم وهو يحاول كتم عبرته_ .. امبارح جبل من ندخلوا شجتنا علاء وشوشني وجالي اصبر حتزهج منك وتسيبك
فاطمة بغضب_ .. وبعدين بأه في علاء دا كمان. طب وجمعة ومختار بعاملوك ازاي.
فاطمة_ .. ووالدك عارف باللي بيعملوا علاء دا.
ابراهيم_ .. لا ما انا مجلوش احسن علاء يضربني تاني.
ابتسمت فاطمة_ .. مش عاوزاك تخاف تاني احنا اتفقنا مش حندي فرصة لحد يخوفنا ومدت يدها تمام
ابراهيم بفرحة_ .. تمام
خبط الباب
فاطمة_ .. روح افتح الباب علي ما ألم الفطار
عزيزة بفرحة_ .. يا ألف انهار ابيض حبيبي عامل ايه.
ابراهيم وهو يمسك يد أمه_ .. بخير بمه
دخلا واجلسته لجوارها_ .. أمال فين عروستك يا حبيبي
ابراهيم_ .. حتلم السفرة وتاجي
عزيزة_ .. هو انتم فطرتوا أنا كنت لسه حطلعلكم الفطار
ابراهيم_ .. لع فاطمة عملت فطار حلو جوي وفطرنا سوا
عزيزة_ .. ربنا يفرحكم يا ولدي
جاءت فاطمة بعد أن غيرت ملابسها لعباية استقبال باللون الوردي الهادئ ومطرزة بزهرة كبيرة من الصدر حتي الذيل وتضع طرحة مشجرة بنفس لون الزهرة ولا تضع ميكب علي وجهها
فاطمة بابتسامة_ .. أهلا يا طنط
وقفت عزيزة _ .. أهلا أهلا بعروستنا الحلوة بسم الله ما شاء الله بدر منور
ضمتها عزيزة_ .. ربنا يجبر بخاطرك يا بنتي ويسعدك
ابراهيم وقف وسحب فاطمة خلفه_ .. ما كفاية يمه انت كل شوية حتحضنيها
ضحكت عزيزة_ .. ههههه حتغير عليها مني يا ولدي.
ابراهيم بسعادة_ .. آه فاطمة بتاعتي وبس محدش يجربلها.
خبط الباب ودخل عبدالرحيم حيث كان مفتوحا_ ..السلام عليكم ورحمة الله كيف عريسنا الحلوين.
عبدالرحيم بسعادة_ .. ومالو راجل يا ابراهيم عاوزك تحط مرتك في عيونك وتاخد بالك منيها ومتخليش حد يتعرضلها أو يجربلها واصل زوجتك جوهرة وعاوزة اللي يحافظ عليها.
ابراهيم_ .. متخافش يا بوي محدش ياخدها مني
كانت فاطمة تختبئ خلف ابراهيم_ .. تشعر بالخجل من كلامهم عليها جلسو جميعا
فاطمة_ .. طب سيبني يا ابراهيم وحجيب حاجة تشربوها بس
عزيزة_ .. مفيش داعي يا بتي.
فاطمة_ .. لا ازاي بس وذهبت وجدت أمامها علاء
علاء بابتسامة_ .. كيفك يا عروسة
فاطمة بخجل وهي تخفض رأسها_ .. الحمد لله اتفضل الجماعة جوه
علاء وهو ينظر لها بوقاحة_ .. وانت رايحة فين.
فاطمة تضايقت من نظرته_ .. اتفضل جوه حجيب حاجة تشربوها
علاء _ .. طب ما آجي اساعدك
فاطمة بغضب_ .. اتفضل لو سمحت
وتركته ودخلت المطبخ
دخل علاء وجلس_ .. السلام عليكم ورحمة الله ازيك يا عريس
ابراهيم پخوف وقلق_ .. الحمد لله
عبدالرحيم_ .. مرحتش علي شغلك يعني
علاء _ .. ما أنا قلت انهاردا صبحية أخويا لازم أوجب معاه
دخلت فاطمة وقدمت لهم العصير والجاتوه ثم جلست بجوار ابراهيم وأمسك بيدها وهو ينظر لعلاء بقلق لاحظت هذا فاطمة.
عبدالرحيم_ .. وانت في سنة كام يا ست البنات
فاطمة بابتسامة_ .. أنا لسه مخلصة ثانوية عامة.
عزيزة_ .. ما شاء الله ربنا يوفقك
عبدالرحيم_ .. وناوية علي ايه ان شاء الله.
فاطمة_ .. طب بإذن الله
ضحك علاء بسخرية_ .. ولما تبقي دكتورة بقي حتفضلي مجوزة ابراهيم ولا حتخافي الناس تقول عليكي مرات العبيط.
شددت فاطمة علي يد ابراهيم عندما احست بتوتره وردت پغضب وقوة_ .. أنا مسمحلكش تقول علي جوزي عبيط لو سمعت أي اهانه موجهه ليه من أي حد أنا اللي حقفله.
سعدا كثيرا عزيزة وعبدالرحيم لردها بهذه القوة.
عبدالرحيم_ .. الله يبارك فيكي يا بنتي
ثم وجه كلامه لعلاء_ .. وانت للأسف المفروض أقلك أخوك ومرته في رعايتك لكن للأسف أنا حطيت ايدي منك في الشج ومن دلوك بجولك مليكش دعوة خالص
علاء_ .. حجك علي يا بوي انا بس بسألها عشان أطمن علي خوي.
عبدالرحيم_ .. ما هو واضح فكرك مش عارف إنك بتعمل ايه مع خوك و اللي بيبان في خوفه لما يشوفك.
علاء_ .. يا بوي دا بس عشان بشد عليه لما يلعب مع الصغار.
عبدالرحيم بصوت أعلي_ .. جلتلك كل اللي عندي و إيك اعرف إنك اتعرضت ليه أو لمرته فاهم
دخلت رقية و ليلي علي الصوت
رقية_ .. في إيه يا جماعة متوحدوا الله
نظر علاء لفاطمة وانصرف.
جلس الجميع عزيزة لمحاولة تغيير الأجواء_ .. مش تباركوا للعرايس
رقيه بابتسامة_ .. الف مبروك يا ابراهيم الف مبروك بعروسة الغالي
ليلي بكبر_ .. مبروك يا ابراهيم
ثم أكملت بسخرية عقبال مانشوف أولادك.
ابراهيم وهو يتشبس بفاطمة_ .. أنا مش بحبك انت وجوزك متجيش عندنا تاني أنا و فاطمة.
ليلي پغضب وهي تقف_ .. مش ناقص الا انت يا
وقبل أن تكمل عبد الرحيم_ .. روحي يا ليلي شوفي بتك فينها واعملولنا الغدا ولا حتصومونا انهاردا
انصرفت ليلي پغضب
رقية_ .. طب انا حنزل أنا كمان عشان أساعد في الغدا.
فاطمة و هي تقف_ .. لا والله ما تمشي غير لما تاخدي واجبك.
رقية_ .. ملحوجة والله بس عشان معوجش علي ليلي.
عزيزة_ .. خلاص يا رجية متزعليش عروستنا بعدين أم أمام تحت و بدأت أساسا في الغدا.
في منزل عادل و عزت يدخل من الباب و يضع علب و أكياس علي السفره و تخرج هند و هي تحمل أكياس من المطبخ_ .. اتأخرت ليه كدا يا عزت.
عزت_ .. هو انا بجيب طلباتكم من هنا في البلد أنا رحت المحافظة و من محل لمحل حلويات و فواكه
مني تخرج هي و لوجي من الحجرة_ .. و احنا خلاص جهزنا.
تأتي ورد و هي تتسند علي الحائط_ .. حمدالله علي سلامتك يا حبيبي. عقبال ميجيلك و انت متهني جري عزت إليها يسندها.
عزت_ .. ربنا يخليكي لينا يا رب
دخل عادل من باب المنزل_ .. انتم لسه مرحتوش
لوجي_ .. خلاص ماشيين
عادل لورد_ .. مبلاش انت شكلك تعبان
ورد_ .. لا لازم أطمن عليها بنفسي.
هند _ .. الجايات كتير يا حبيبتي خليكي هنا وابقي روحيلها يوم تاني تكوني مرتاحة.
عادل_ .. هي كلمة واحدة مفيش مرواح وانت بالمنظر دا.
ورد_ .. لا يا عادل أنا حروح لفاطمة ولو خلاص بمۏت.
عزت_ .. خلاص يا بابا مش حنتأخر
تركهم عادل ودخل علي غرفته
نرجع لفاطمة وهي تجلس علي الأرض مع ابراهيم ويلعبا الكوتشينة صفق ابراهيم_ ..هيييه غلبتك
فاطمة وهي تمثل الزعل_ .. كدا تغلبني انا حغلبك المرة الجاية
ابراهيم بفرحة_ .. نلعب دور كمان
فاطمة_ .. لا نتغدا بقي
وقف ابراهيم_ .. حساعدك
ثم سمعا طرق الباب فاطمة وقفت بسرعة وعدلت في ملابسه_ .. زي ما ألتلك تتعامل مع الناس بهدوء ومتكلمش عن لعب خالص وتقعد راجل ملو هدومك كدا يا حبيبي
فرح ابراهيم كثيرا _ .. صح يا فاطمة أنت بتحبيني.
فاطمة_ .. أيوه طبعا انت جوزي وابني وأبوية كل حاجة حلوة يالله بأه الباب بيخبط افتح الباب علي ما ألبس إسدال
فتح ابراهيم الباب وجد أسرة فاطمة
عزت سلم عليه_ .. ازيك يا عريس ايه دا كله ساعة بنخبط
ابراهيم_ .. اتفضلوا جوه فاطمة حتغير خلاجاتها بس وجاية
دخلوا جميعا وهم مستغربين. وذهب هو لفاطمة
هند_ .. انتم مش ملاحظين حاجة
لوجي_ .. انا لاحظت
ورد بابتسامة_ .. بركات فاطمة ربنا يحفظها.
عزت_ .. سبحان الله بالسرعة دي انا حاسه ابرهيم تاني راجل غير العيل اللي شفناه
أتت فاطمة بفرحة وسلمت عليهم جميعا ودخل ابراهيم وجلس بجوار عزت
ورد_ .. تعالي جنبي هنا يا فاطمة
احتضنتها فاطمة _ .. شكلك تعبان يا ماما كنتي خليكي انت.
هند_ .. قلنالها و الله هي اللي أصرت.
فاطمة_ .. هي العملية امتي
مني_ .. المفروض أول الاسبوع الجاي.
ورد _ .. المهم يا حبيبتي خلينا فيكي دلوأتي انت أخبارك ايه.
فاطمة وهي مازالت في حضنها_ .. متقلقيش عليه والله يا ماما أنا كويسة خالص.
أمسكت ورد وجه فاطمة بين يديها وكأنها تريد أن تشبع منها_ .. بصي يا حبيبتي وصيتي ليكي تفضلي دايما قوية اوعي تضعفي أبدا ولا تستسلمي لأي ظروف خلي دايما طاعتك لربنا هي مبتغاكي الاول بسم الله الرحمن الرحيم..وما خلقنا الجن والإنس إلا ليعبدون..اوعي تمكني الشيطان منك أنا بؤلك كدا عشان عارفة وحاسة باللي ممكن تتعرضي ليه وسامحيني اني مقدرتش أبعدك عن اللي انت فيه
ثم كحت بتعب وشعرت فاطمة بالقلق عليها_ .. حاضر و الله يا ماما بس بلاش ترهقي نفسك.
ورد_ .. سيبيني أكمل جوزك أيا كانت ظروفه خليكي ليه الزوجة و الأم اوعي تبرري لنفسك أي حاجة بحجة انه ميلقش بيكي يا رب تكوني فاهماني.
احتضنتها فاطمة وبكت_ .. فاهماكي والله هو انت مش عارفه بطتك و لا إيه.
ورد_ .. عارفاكي وعارفة انك حتعملي اكتر من اللي نصحتك بيه بس بنصحك برده عشان يفضل كلامي أدام عنيكي.
الكل كان يقف وعيناهم تدمع بسبب تعب ورد وحال فاطمة
ورد_ .. آخر حاجة عاوزاها منك حبيبتي انك تسامحي قص
وضعت فاطمة يدها علي فم أمها_ .. متكمليش انت أحلي أم وعمري ما حسيت بتقصيرك وطول عمرك بتيجي علي نفسك عشان سعادتنا كلنا.
اقترب ابراهيم ببكاء_ .. ليش تتباكوا متبكيش يا فاطمة.
هند وهي تحاول أن تبتسم وتكتم دموعها_ .. فيه ايه يا جماعة البتوها دراما ليه بت يا مني اقفلي الباب دا وتعالي نطبل شوية نفرح بالبت فاطمة.
أغلقت مني الباب وجلست هند علي ركبتها وطبلت علي السفرة الصغيره التي أمامهم_ .. يالله يا بت انت وهي ردوا ورايا هيصة عند العروسة والبنات ترد هيصة ناكل بسبوسه هيصة
وقفت جني وحزمت فاطمة عافية وجعلتها ترقص وهن يرددن خلف هند وورد تنظر لابنتها بفرح وابراهيم يصفق سعيد بفاطمة عزت يصفق بابتسامة بعد وقت عادوا لمنزلهم.
ورد_ .. أنا حدخل اريح
تقدم منها عزت يسندها_ .. عزت حبيبي انت راجل اخواتك خلي بالك منهم اوعي تتخلي لأي سبب عنهم.
عزت بقلق_ .. ربنا يباركلنا في عمرك يا أمي وميحرمناش منك.
دخلت الحجرة وجدت عادل نائم خرج عزت وتسندت هي وصعدت علي السرير اعتدل عادل عندما شعر بها_ .. اخبار العرسان
سندت ظهرها علي الوسادة وتكلمت وهي تتنفس بصعوبه_ .. عادل عشان خاطري انا مش حوصيك علي جني وعزت عشان هما أولادك وأنا عارفة انت أد ايه حنين فيهم وصيتي ليك فاطمة
احس عادل بالقلق عليها فسندها _ .. انت شكلك تعبان حطلبلك الدكتورة
وهم ليقوم_ ..استني بس فاطمة يا عادل انا مسامحاك علي كل حاجة حتي إنك بعدتها عني بس عشان خاطري عشان خاطري خلي بالك منها
ثم شهقت شهقة صعبة_ .. أشهد أن لا إله إلا الله ثم لحست شفتيها سيدنا محمد رسول الله وذهبت روحها لبارئها
عادل بقي ينظر إليها مصډوم غير مستوعب ما حدث_ .. ورد
وهطلت دموعه_ .. ورد متهزريش حخلي بالي من فاطمة بس انت قومي
ثم صړخ وتمسك بشدة_ .. ورد لا يا ورد لا
دخل الجميع علي صراخه و بكاه
جني جرت اليها_ .. ماما ماما وحياتي متسبنيش
الكل في حالة صعبة.
في منزل عبدالرحيم دخل مختار لأبيه
