اسيرة الشيطان

بقي يا رؤتي ما تزعليش مش هضحك تاني
الټفت اليه وهي تشهر سبابتها في وجهه علي الله تضحك
كتم ضحكاته بصعوبة اهو ما ضحكتش 
رؤي اتفضل بقي اتصرف وهاتلي حاجة البسها
جاسر حاليا ما فيش هدومي انا بس ما فيش هنا هدوم حريمي
رؤي ليه يعني انت عايش في الفيلا دي لوحدك 
هز جاسر رأسه إيجابا
رؤي ليه يعني مش انت كنت متجوز قبل كدة ليه ما جبتهومش يعيشوا هنا
جاسر انتي اول وآخر واحدة هتدخل الفيلا دي يا رؤي
رؤي بحبك ما تزعليش مني يا رؤي انا عارف انى اذيتك كتير بس هعوضك عن كل الي فات مش هخليكي عنيكي الحلوة دي ټعيط تاني الا من كتر الضحك
والله بحبك
اما بالنسبة لها فكانت تشعر انها في حلم جميل انها 
تطير في سماء عشقه ويهبط عليها مطر كلامته فتنبت السعادة في قلبها
ابتعدت عنه بخجل وهي تنظر ارضا من شدة خجلها
دقت الخادمة على باب الغرفة
نعمة جاسر باشا العشا جاهز 
جاسر طيب يا نعمة ثم وجه كلامه لرؤي يلا بينا
رؤي هنزل كدة
نظر جاسر الي
ملابسها فوجدت ان جاكت بيجامته يصل الي ما بعد ركبتيها
جاسر اقلعي البنطلون
رؤي غاضبة نعممممممم يا اخويا 
جاسر بدهشة ايه في ايه انتي بتتحولي ولا ايه
رؤي غاضبة قال اقلع البنطلون قال 
جاسر ضاحكا يا هبلة مش قصديانا قصدي ان جاكت الترنج طويل واصل لبعد ركبتك فبدل ما تفضلي تتكعبلي في البلطلون اقلعيه 
رؤي بضيق لاء بردوا عيب
جاسر خلاص يا رؤي انتي حرة اعملي الي تعمليه انا نازل اتعشي
ثم تركها ونزل 
رؤي بتفكير طب اعمل ايه انا في الورطة دي اعمل ايه اعمل ايه بس لقيتها
ظلت تبحث في الأدراج الي ان وجدت ما تبحث عنه وبدأت في العمل 
رؤي برضا بس كدة كدة تمام
فتحت باب الغرفة ونزلت لأسفل فوجدت نعمة في طريقها
رؤي احم لو سمحتي
نعمة اؤمري يا هانم
رؤي مبتسمة رؤي اسمي رؤي بلاش هانم دي عشان ما بحبهاش قوليلي رؤي بس
نعمة مبتسمة شكلك طيبة اوي يا بنتي 
رؤي ربنا يخليكي يا خالتي نعمة
نعمة اسمي نعمة بس يا بنتي
رؤي بصراحة لساني مش مطاوعني اقولك اسمك كدة من غير لقب وحضرتك اكبر مني 
نعمة مبتسمة يسلموا الي ربوكي يا بنتي 
رؤي شكرا يا خالتي صحيح فين جاسر
أشارت نعمة الي احدي الغرف
نعمة في أوضة السفرة مستنيكي 
رؤي شكرا يا خالتي عن اذنك
تركتها وذهبت ناحية الغرفة فوجدت طاولة كبيرة في المنتصف عليها الكثير من الطعام الشهي وجاسر يجلس على رأس الطاولة مندمجا في هاتفه 
ذهبت رؤي اليه
رؤي احم مساء الخير
جاسر وهو ينظر إليها مساء النووو انتي عملتي ايه
رؤي وهي تجلس علي الطاولة ابدا لقيت البطلون طويل اوي فجبت مقص وقصيته وعملته غرزتين عشان يضيق شوية 
جاسر وهو ينظر إلى البنطال بحسرة اااه يا بنطلوني انتي عارفة الترنج دا بكام 
رؤي كام يعني
جاسر ليه هتدفعي تمنه
رؤي باستخفاف اااه طبعا 
جاسر 6500 جنية
فغرت فاهها پصدمة واسبلت جفنيها بعض الوقت لتستوعب الرقم 
رؤي كاااااااام
جاسر اتفضلي بقي ادفعي تمنه
رؤي پصدمة 6500 جنية ليييييييييييييييه بيتغسل لوحده ولا بيكبر معاك
جاسر ضاحكا دا قطن اصلي يا ماما
رؤي علي فكرة انت اتنصب عليك دا 250 جنية فى كل حتة حتي انزل العتبة اسأل
جاسر بدهشة العتبة حاضر هنزل العتبة اسأل بس انا دلوقتي عايز 6500 جنية بتوعي
رؤي لا يا بابا انت ليك عندي 3250 الجاكت سليم
جاسر وانا هلبس الجاكت لوحده 
رؤي وفقلك عليه بنطلون اي بيجامة تانية
رفع حاجبيه مندهشا اوفقلي 
رؤي اه وفقلك بس لو عندك بيجامة كحلي هيبقوا ليقين علي بعض
جاسر ولو عوزت البس الجاكت بتاع البيجامة الكحلي اوفق عليه بنطلون اخضر بصي يا رؤي حلال عليكي الترنج كله وهاتي 6500 جنية بتوعي
رؤي بضيق طب انا ماعيش فلوس اعمل ايه يعني
ابتسم جاسر بخبث وحك ذقنه باطراف اصابعه 
جاسر خلاص تنفذيلي 6500 طلب
رؤي نعمممممم ليه حد قالك اني مصباح علاء الدين 
جاسر خلاص نخليهم 3 طلبات شوفتي انا كريم ازاي
رؤي ماشي موافقة بس ما تنساش ان انا ليا عندك طلب
جاسر انتي تؤمري مش تطلبي هيا يا مولاتي اخبريني ما هو أمرك
رؤي بحذر تهاني بنت عم اسماعيل
اغمض جاسر عينيه پألم وحبس انفاسه واكمل بنبرة محايدة مالها
رؤي مش حاسس انك غلطت في حقها دبحتها وډمرت حياتها
اخذ نفس عميقا ليسيطر علي نوبة انفعاله ويخرس صوت شيطانه واردف بصوت حاد نسبيا المطلوب يا رؤي
رؤي تعالجها زي ما اذيتها يمكن ترجع تعيش حياتها تاني بعد
الي عملته في المسكينة الي مالهاش اي ذنب 
جاسر بهدوء انتي عيزاني اعالجها وانا موافق وخلص الكلام عن الموضوع دا وما يتفتحش تاني اعتبريه اول طلب من التلت طلبات
هزت رأسها إيجابا بهدوء واكملت تناول طعامها
الي ان انتهت
رؤي الحمد لله عن اذنك 
جاسر رايحة فين
رؤي طالعة انام 
جاسر مبتسما طب خديني في اديك احسن انا هلكان 
مد يده والتقط يدها وصعد الي اعلي ودخلا الغرفة
تمددت علي احد جانبي الفراش ووجهت سبابتها في وجهه 
رؤي السرير كبير ما تلزقش فيا
جاسر بابتسامة مستفزة انتي تطولي يا بيرة دا انا البنات بيترموا تحت رجلي عشان ابتسامة بس مني
رؤي ساخرة ليه كنت توم كروز وانا ما اعرفش
جاسر بثقة انا احلي طبعا 
رؤي بغيظ مغرور اوي 
ثم اولته ظهرها 
تمدد جاسر بجانبها واضعا ذراعيه خلف رأسه
جاسر رؤي
رؤي اممممم
جاسر انتي نمتي
رؤي ااااه
جاسر بتردي عليا ازاي وانتي نايمة
رؤي دي رسالة مسجلة
جاسر ضاحكا والله انتي مسخرة
مرت عدة دقائق استسلمت فيهم للنوم قبل ان تقوم مڤزوعة من نومها 
جاسر بلفهة رؤي رؤي اصحي يا رؤي
قامت مڤزوعة في ايه ايه الي حصل
جاسر ابدا بصحيكي عشان تنامي
نظرت له بغيظ بينما اڼفجر هو ضاحكا عليها
تركها تغط في النوم مرة اخري 
جاسر بلهفة رؤي رؤي اصحي يا رؤي في حرامي اصحي يا رؤي حرامي
قامت مڤزوعة ايه حرامي
بلغ البوليس بسرعة فين هو فين
اشار جاسر اليها اهو الحرامي
رؤي بغيظ يا سلام وسړقت منك ايه ان شاء
جاسر مبتسما سړقتي قلبي 
نظرت له بغيظ وعادت للنوم 
جاسر رؤي يا رؤي يا رؤي 
رؤي بغيظ عايز ايه يا جاسر
جاسر مبتسما باستفزاز ابدا بجرب اسمك 
رؤي انت عايز يا جاسر من الاخر 
جزت على أسنانها بغيظ 
رؤي ماشي
بس سبني انام
فتح جاسر ذراعيه وأردف بمرح خش في لحم اخوك يا فواز
جاسر مبتسما تصبحي على جنة يا رؤتي
رؤي بخجل وانت من اهلها
مضت عدة ساعات ثم ارتفع أذان الفجر في الجوامع تملمت في نومتها عندما سمعت صوت الاذان وانسلت من بين ذراعيه برفق
وبدأ في إيقاظه
رؤي جاسر جاسر قوم يا جاسر قوم يا جاسر الفجر بيأذن
اعتدل جاسر في نومته ثم اولاها ظهره واكمل نومه
رؤي بغيظ بقي مش عايز تقوم ماشي يا جاسر 
امسكت كوب الماء الموضوع بجانب الفراش واستدارات الي ان وقفت امامه من الناحية الاخري تتأمله وهو نائم فارتسمت ابتسامة صغيرة علي شفتيها وسيم نعم هو بالفعل وسيم بشړة برونزية لامعة شعر بني طويل انف شامخ بكبرياء وشموخ لحية
خفيفة تزيد ملامحه وسامة ورجولة 
تذكرت جملته دا انا البنات بيترموا تحت رجليا فضيقت عينيها بغيظ ورمت المياة في وجهه فانتفض فزعا من نومه 
جاسر غاضبا ايه الجنان دا
رؤي ببراءة الفجر اذن وانت مش عايز تصحي
جاسر غاضبا تقومي تعملي كدة عيل صغير انا بلعب معاكي 
رؤي بحزن اسفة انا بس