الجزء الثالث بقلم سمية عامر ج 3
اداهاله معلش يا دكتور بقى هتضطر اعملك العمليه هنا أصل مفيش مستشفيات انت عارف
الدكتور بړعب عملية ايه انت هتعمل ايه .. ابوس ايدك لا انا كنت بنفذ كلامها
ششش كل ما تهدا كل ما الحقنة متوجعكش
اداله حقنة مخدر نفس اللي لقاها مرميه في بيت نورين و لبس جوانتي في أيده و خد المشرط و بص للي واقعة على الأرض ركزي عشان هسالك و لو مجاوبتيش الدور هيجي عليكي قبلية
فتح عبدالملك بطنه بالمشرط و بص ليوسف ايدا ده معندوش رحم خلاص
خلاص دخل الممرضة تخيط
يوسف و بعدين
ناخده من خالتك ام ماجد و خلاص .......
يتبع
ال 27 بعتزر عن التاخير
جريت الممرضة تخيط للدكتور اللي كان پينزف بشكل كبير و فقد وعيه
قلع عبدالملك الجوانتي و رماة و بص لام ماجد معرفش في ايه الناس مبقتش تستحمل
سحر تعالى بسرعة نور خرج من العمليات
اتخض عبدالملك و قام بسرعة وهو بيشاور ليوسف يربطهم و خرج هو ركب العربية و راح المستشفى
وصل بعد فترة و فتح الاوضه اللي فيها نور كانت نورين قاعدة بتقرأ قرأن جنب ابنها و نيرة نايمة في حضڼ جدتها
عبدالملك حصل ايه
محدش رد عليه لحد ما قرب هو و لمس رجلة لقاها موجودة قعد جنبة و فضل يعيط و يقول الحمدلله
خدتها و خرجت عشان تسيب عبدالملك و نورين سوا
قامت نورين بتعب من مكانها و قربت منه حطت ايديها على كتفة الحمدلله كفاية عياط هو اكيد سامعك
بصلها بحزن و فرحة في نفس الوقت سامحيني بس انا مكنش ليا يد في كل ده
محدش كان ليه يد المهم دلوقتي ولادنا
بعد عنها و مسك وشها بايده و احنا مش هنرجع عيلة يا نورين مش كفاية كده
انا هحكيلك كل حاجه
ارجوك مش وقتة
سابته و رجعت قعدت مكانها و مسكت ايد ابنها
.......
عدى اسبوعين
كان يوم رجعوهم للبيت و قرر عبدالملك أنه يرجعهم لبيت العيلة عشان يخلوا بالهم منهم
كان عبدالملك شايل نور الدين اهو يا عم شايلك كمان احنا عايزين ننول الرضا بس
ضحك نور و باس أبوه نزل الرضا من ماما الاول دي بتحبك
نيرة وهي بتخبط على وشها بايديها في ايه يا مامي بس الراجل بيحبك
نورين نيرة قولت ايه
يوه بقى خلاص خلاص
خدت نيرة و طلعو فوق و هو طلع وراها ب نور اللي نزله على سريرة بعد ما غير ديكور الاوضه خلى فيها سريرين بدل واحد
عبدالملك بصوت عالي انا خارج !! ..انا هخررررج
نيرة يلا يا بابا من هنا مش هتعبرك
اتفضل ادخل
لا اتفضل اخرج عايزين نغير
خرج و سابهم لوحدهم وهو بيتأفف
غيرت نورين لبسها و لبست بنطلون و تيشيرت و سحر طلعت الاكل لحد عندها هي و عيالها و اكلت معاهم وسط ضحك و هزار و نام نور الدين و نيرة
نزلت سحر و نزلت نورين معاها عشان تنزل الاكل و استأذنت منها تقعد في الجنينة
خرجت و قعدت وهي بتتنهد بتعب و غمضت عينيها بس صحيت على صوت تليفونها بيرن
الو
بنتي .. وحشتيني
مش كفاية بقى يا امي .. اسبوع و انتي بتتصلي مش كفايه
ايه العيب اني اتصل ببنتي
انا و انتي عارفين انك مش متصلة عشاني ...متصلة عشان اختك تسامحك انك كنتي هتسرقيها و انك عايزة ترجعيلها تاني
انتي قليلة الادب بتتكلمي مع امك بطريقة وقحة
امي بعد اذنك ابعدي عني كفاية أن عبدالملك مأخدش تجاهك أي إجراء قانوني
قفلت صفاء في وشها و اتعصبت نورين و كانت هتقوم بس قعدت تاني اول ما سمعت صوته لو عايزاها ترجع خليها ترجع دي امك
لا ده مش قراري .. ده قرارك انت و أهلك المال مالكم و البيت بيتكم
فضل باصص لها شوية و ابتسم انا متجوزتش زي ما انتي فاهمة
اتوترت و بصتله نعم انا مالي متكلمنيش
جاب كرسي و قعد قريب منها و فضل باصص في عيونها انا عارف انك عايزة تعرفي .. عيونك ماليها الغيرة لانك بتحبيني ..انا اتجوزت بنت عمي فعلا بس على الورق بس قبل فرحنا بيومين عرفت انها مش بنت و انها كانت على علاقة بغيري و عشان استر عليها لأنها طبعا شرفها من شرفنا فضل مكتوب كتابنا و قولنا لكل الناس أن الجواز تم من غير فرح لحد ما كملنا ٦ شهور و طلقتها
برقت نورين و بعدين
ابتسم ولا قبلين طلقتها قبل حتى ما تدخل بيتي
فرحت نورين و نبضات قلبها عليا بس حاولت متبينش بس انت كدبت عليا
ما خلاص بقى بقولك ملمستش حد غيرك ولا عايزاني اتهور يعني
ضحكت و خدودها احمرت و قامت وقفت اتهور احنا لسا متخاصمين
يعني اعملك ايه .. اخلص منك يعني
قربت منه و همستله ما تجرب تجيبلي ورد كده
شدها من ايديها عليه قبل ما تبعد و همسلها هو طب ما نتجوز و اجيبلك ورد و جرجير و نعناع ...........
يتبع
ال 28. بعتزر ليكم علي التاخير
اتكسفت من كلامة لا جيب ورد الاول
جريت و سابته وهي مبسوطة و حاسه ان الدنيا مش سايعاها
دخلت اوضتها و باست نيرة و نورالدين و قعدت في البلكونة تبص عليه وهو واقف بيتكلم في التليفون و مبسوط
ابتسمت و قامت غيرت لبست
فستان و حجاب و نزلت قعدت مع خالتها
سحر بحزن يا بنتي انا على عيني تبعدي عننا ارجعي بقى لعبد الملك ده بيحبك و بيتمنالك الرضا ترضي
ابتسمت و مسكت ايد خالتها خالتو انا اسفة على كل التعب اللي تعبتهولك ده انتي تعبتي معانا اوي الفترة دي
سحر لا يا بنتي انا مكنتش تعبانة على اد ما زعلت على الحالة اللي انتو فيها بسبب واحده عديمة ضمير
ضمت نورين حواجبها هي مين انا كل ما اسال عبدالملك ميردش عليا
سحر معرفش بس انا سمعته مرة بيكلم يوسف بيقوله موضوع ام ماجد لازم ينتهي معرفش دي هي ولا لا
برقت نورين ام ماجد
قامت تجري من مكانها خرجت برا كان بيتكلم في التليفون ايه دخل ام ماجد في اللي حصل و هي دي اللي في بالي
قفل التليفون و بصلها مين قالك
يوسف !
نورين بعصبية انت ازاي مقولتليش وهي ليه عملت كده و انت عملت فيها ايه
مسك عبدالملك ايديها بلاش ترهقي نفسك عشان چرحك
شدت ايديها و اتعصبت رد عليا !!
أيوة هي اللي في بالك و هي اللي كانت هتبقى سبب ان ابننا يفقد رجلة
كل ده ليه قولي اكيد هي اتكلمت
كل ده عشان ابنها اڼتحر ابن أمة اڼتحر افتكرتني قټلته و حبت ټنتقم
برقت نورين و كانت عايزة ټعيط بس منعت نفسها بالعافية ان الدموع تتكون في عيونها مهما كان ده كان اول حب حتى لو كانت لسا مراهقة
عبدالملك بعصبية سكتتي ليه افتكرتي ايامك معاه ولا نسيتي اللي عملته في عيالنا
سابته نورين واقف مكانة و جريت على برا لحد ما تخطت البوابة و فضلت تجري وهي بټعيط و
جسمها بيقشعر و جرحها بيشد
